Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцууллаа.

ЭМЯ-ны хэвлэлийн ажилтан Б.Ууганбаяр "Сүүлийн 24 цагт коронавирусийн 533 шинэ тохиолдол бүртгэгдлээ. Эдгээрээс зургаа нь эмнэлгээс шалтгаалах халдвар бол 490 нь Улаанбаатар хотод, 37 нь орон нутагт бүртгэгдлээ.  Мөн сүүлийн 24 цагт 1,065 хүн эдгэрсэн бол халдварын улмаас 4,087 хүн эмнэлэгт хэвтэн эмчлүүлж байгаагаас биеийн байдал хөнгөн 2.100, хүндэвтэр 1.378, хүнд 494 байгаа бол маш хүнд  115 хүн байна.

Хөнгөн хэлбэрээр өвчлөн гэртээ тусгаарлагдаж байгаа 3,009 хүнд Өрхийн эрүүл мэндийн төвөөс хяналт тавьж байна. 

Өнгөрсөн хоногт эмнэлэгт эмчлүүлж байсан 51-78 насны долоон хүн нас барлаа. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье" гэлээ.