ЭМЯ-аас өөрсдийн цахим сүлжээгээр дамжуулан коронавирусний өнөөгийн нөхцөл байдлын талаарх мэдээллийг өглөө. ТУс мэдээллээр манай улсад сүүлийн 24 цагийн хугацаанд шинээр 3.766 хүнээс коронавирусийн халдвар илэрчээ. Эдгээрээс 1.271 нь нийслэл хотод бүртгэгдсэн бол 2.494 нь орон нутагт бүртгэгдсэн байна. 

Мөн дээрх хугацаанд коронавирусийн халдварын улмаас 21-80 гаруй насны зургаан хүн нас баржээ. Өнөөдрийн байдлаар уг өвчний хүндрэлээр нийтдээ 968 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.

Одоогоор коронавируст халдварын улмаас улсын хэмжээнд 18,941 иргэн эмнэлэгт хэвтэн эмчлүүлж байгаагаас биеийн байдал хөнгөн – 12.473, хүндэвтэр  4.817, хүнд 1.396 байгаа бол маш хүнд оноштой 255 хүн байна.