ШӨХТГ-аас сүлжээ дэлгүүр, худалдааны төвүүд хямдрал зарлаад тэр нь хуурамч байгаа нь тогтоогдвол Өрсөлдөөний тухай хуулиар арга хэмжээ авах боломжтой гэж мэдээллээ. 

Тодруулбал, ШӨХТГ-ын дарга С.Мөнхчулуун цахим хуудастаа "Энэ өдөр дэлгүүрүүд бараагаа огцом хямдрууллаа гэдэг ч хямдруулсан, хямдруулаагүй гэх яриа үргэлж гардаг. Тэгвэл Өрсөлдөөний тухай хуулиар бараа бүтээгдэхүүний борлуулалтад урамшуулал, хямдрал байгаа гэх хуурамч мэдээлэл түгээхийг хориглодог. Тиймээс баримттай гомдол ирүүлбэл шалгах болно" гэж мэдээлжээ.

АНУ-д энэ нь жил бүрийн 11-р сарын гурав дахь долоо хоногийн баасан гарагт дэлгүүр худалдааны төв, сүлжээ дэлгүүрүүд шинэ жилийн баяр угтсан худалдаагаа эхлүүлж бараа бүтээгдхүүнийхээ үнийг зад хямдруулдгийг хэлдэг байна. 

Тэгвэл, Монголд энэхүү хямдрал нь явагддаг ч зарим тохиолдолд хямдрал нь хуурамч байсан тухай мэдээллүүд цахим орчинд цацагддаг. Тиймээс иргэд та бүхэн энэ төрлийн мэдээллийн баримттай гомдлыг ШӨХТГ-т ирүүлбэл шалгах боломжтой юм байна