Сүхбаатар дүүргийн Засаг даргын захирамжаар шинэчлэн батлагдсан Жендэрийн дэд салбар хороо өнөөдөр 2024 онд төлөвлөн хэрэгжүүлсэн ажлынхаа үр дүнг хэлэлцлээ. Жендэрийн дэд салбар хороог дүүргийн Засаг даргын орлогч У.Өнөрцэцэг ахалдаг бөгөөд гишүүдээр дэргэдэх хэлтэс, нэгжийн удирдлага, мэргэжилтэн, төрийн бус байгууллагын төлөөллийн 17 гишүүнтэй үйл ажиллагаа явуулдаг.

Тус салбар хороо нь энэ онд зургаан зорилтын хүрээнд 17 ажил төлөвлөж 85.5 хувийн гүйцэтгэлтэй хэрэгжүүлсэн байна. Мөн энэ үеэр Жендэрийн дэд салбар хорооны 2025 оны үйл ажиллагааны төлөвлөгөөний төслийг танилцуулан холбогдох нэгжүүдээс төсөлд нэмж оруулах арга хэмжээний саналыг авахаар болов.