Нийслэлийн орон сууцны корпорациас 24 байршилдах иргэдийн газрыг орон сууцаар солих талаар мэдээлэл хийлээ.

НОСК-ийн захирал Б.Сүхбаатар "Иргэд газраа орон сууцаар сольж чөлөөлье гэсэн саналыг их тавьж байна. Иймд бид энэхүү ажлыг хэрэгжүүлэхээр санаачлан ажиллаж байна. Газраа орон сууцаар солих хүсэлтэй иргэдийн газар 4 га талбайгаас багагүй хэмжээтэй байх ёстой. Учир нь 4 га газарт сургууль, цэцэрлэг, халаалт дулаан, зам, автозогсоол, ногоон байгууламж бүхий орон сууцны хорооллыг барих боломжтой. Үүний тулд гэр хорооллын нэг бүсэд амьдарч байгаа иргэд буюу ойролцоогоор 90-100 айл нэгдэн, нийлж газрыг чөлөөлөн өгөх юм. Үүнд Улаанбаатар хотын нийт 24 байршилд нийт 1216 га газрын 20477 айл өрх хамрагдах боломжтой” гэж хэллээ.

Газраа орон сууцаар солих боломжтой байршлууд :

1. Сонгинохайрхан дүүрэг 7,8,9,10,28 дугаар хороо
2. Чингэлтэй дүүрэг 14,18 дугаар хороо, Сүхбаатар дүүрэг 14 дүгээр хороо
3. Сүхбаатар дүүрэг 16,17 дугаар хороо
4. Чингэлтэй дүүрэг 10,11,12,13 дугаар хороо
5. Баянзүрх дүүрэг 9,17,19,24 дугаар хороо
6. Сүхбаатар дүүрэг 9,10,11,12 дугаар хороо
7. Баянзүрх дүүрэг 2,4 дүгээр хороо
8. Баянзүрх дүүрэг 13,14 дүгээр хороо
9. Баянзүрх дүүрэг 12 дугаар хороо Чулуун овооны тойргоос хууль сахиулах Их сургуулийн орчим
10. Сонгинохайрхан дүүрэг 1,2,20 дугаар хороо Цэргийн хотхон орчим А хэсэгчилсэн талбай
11. Чингэлтэй дүүрэг 9,10,11 дүгээр хороо Дэнжийн мянга орчим В хэсэгчилсэн талбай, 39 дүгээр сургуулийн баруун хойд талд Г хэсэгчилсэн талбай зэрэг газрууд хамрагдаж байгаа аж.