НИТХ дахь АН-ын бүлгээс “Спортлог Чингэлтэйчүүд” сагсан бөмбөгийн тэмцээнийг  зургаа дахь жилдээ зохион байгуулж байна. Өнгөрсөн амралтын өдрүүдэд Чингэлтэй дүүргийн 12,13,14, 15, 16, 17, 18, 19 дүгээр хорооны оюутан залуучуудын нийт 49 багийн 400 гаруй баг тамирчид оролцов. Үүнээс 12 эмэгтэй баг, эрэгтэй 37 баг оролцсон. НИТХ дахь АН-ын бүлгийн дарга Ц.Баатархүүгийн санаачилгаар жил болгон Чингэлтэй дүүргийн иргэдийн дунд зохион байгуулагддаг энэхүү тэмцээнд оролцогчид ихтэй, өрсөлдөөн ихтэй, эрүүл ам тэмцээн боллоо. Хүн спортоо хичээллэснээр эрүүл чийрэг байхаас гадна өөртөө итгэлтэй өөдрөг үзэл бодолтой, эрч хүчтэй болдог. “Спортлог Чингэлтэйчүүд” жил бүр энэхүү тэмцээнд идэвхтэй оролцож ирсэн. НИТХ дахь АН-ын бүлгийн дарга Ц.Баатархүү тэмцээнийг нээж хэлэхдээ “Спортоор хичээллэх нь хүн бүрд эрүүл урт удаан амьдрахад ус агаар мэт хэрэгтэй зүйл гэдгийг ойлгох хэрэгтэй. Спортоор хичээллэхэд хүний тархинаас эндофрин гэдэг бодис ихээр ялгарч энэ бодис нь хүний бухимдал, стрессийг тайлж эерэг бодол өөртөө итгэх итгэлийг нэмэгдүүлэн эрч хүчийг бий болгоно. Сагсан бөмбөг бол багийн тоглолт байдаг. Багаар ажиллаж сурах, эрүүл мэнддээ анхаарахад Чингэлтэйчүүд маань маш идэхтэй байгаад баяртай байна” гэж хэлж байв.