Үүнтэй холбоотой ч байж мэдэх, интернэт, олон нийтийн сүлжээгээр одон орончид биднийг бараг гурван мянган жилийн туршид зурхайн орд 12 байдаг хэмээн мэхэлж байж гэсэн яриа тархаад байна.
Гэхдээ дэлхийн одон орончдын нийгэмлэг өөрсдийгөө алдсан гэж хүлээхгүй, бүх зүйл ёсоороо байгаа гэж байна. Мэдээж 3000 жилийн туршид хүн төрөлхтөн ингэж л үзэж, үүнд л итгэж байсан болохоор тэр.
 Энд зурхайн орд 13 байсны нэг болох Могой (Могой эрхшээгч)-ийг эхнээс нь л хасч ирсэн хэмээн бичиж байна. Энэ нь их жижиг орд байсан гэнэ. Тэгээд энэ ордыг оруулан 13 орд байна гэж үзвэл сар хэрхэн өөрчлөгдөх вэ. Шинээр “Могой” гэсэн орд орж ирвэл хүмүүсийн ордууд хэрхэн өөрчлөгдөх вэ.

Матар: нэгдүгээр сарын 20-ноос хоёрдугаар сарын 16
Хумх: Хоёрдугаар сарын 16-наас гуравдугаар сарын 11
Загас: Гуравдугаар сарын 11-нээс дрөөвдүгээр сарын 18
Хонь: Дөрөвдүгээр сарын 18-наас тавдугаар сарын 13
Үхэр: Тавдугаар сарын 13-наас зургадугаар сарын 21
Ихэр: Зургадугаар сарын 21-нээс долдугаар сарын 20
Мэлхий: Долдугаар сарын 20-ноос наймдугаар сарын 10
Арслан: Наймдугаар сарын 10-наас есдүгээр сарын 16
Охин: Есдүгээр сарын 16-наас аравдугаар сарын 30
Жинлүүр: Аравдугаар сарын 30-наас арваннэгдүгээр сарын 23
Хилэнц: Арваннэгдүгээр сарын 23-наас арваннэгдүгээр сарын 29
Могой: Арваннэгдүгээр сарын 29-нөөс арванхорёдугаар сарын 17
Нум: Арванхоёрдугаар сарын 17-ноос нэгдүгээр сарын 20
гэж байх ёстой гэнэ. Гэхдээ өнөө болтол өрнийн зурхайч, одон орончид ордуудын зурхайг хуучнаараа 12 ордоор нь гаргасаар байна. Үнэхээр ийм 13 ордтой болбол таны өнөө хүртэл итгэж ирсэн орд чинь өөрчлөгдөх бололтой.

Могойн ордын шинж

 Юутай ч өнөөдөртөө ордын зурхай хуучнаараа байгаа. Гэхдээ хэлээд байгаа шинэ Могойн ордын хүмүүс ямар байдаг вэ, ямар зан чанартай вэ гэдэг асуулт гарч ирж байна. Одон орны бүрэн дүн үнэлгээ гараагүй ч энэ хүмүүс аюултай, ялангуяа өөрөө өөртөө аюултай хүмүүс байдаг нь харагдаж байна. Ер нь л хэрцгий, түрэмгий хүмүүс. Хэргийн учир нь энэ орд өнөөгийнхөөр бол Хилэнцийн ордод харьяалагдаж байсан олон хүнийг өөртөө авах болохоор тэр.

 Могойн ордынхон Охин, Жинлүүр, Ихрийнхэнтэй хайр сэтгэлийн талаар илүүтэй нийлэмжтэй. Гэхдээ ямар ч үед өөрөөс тань салж чадна. Хардалт, үзэн ядалт, түрэмгийлэл ч дагалдаж мэдэх. Могойн ордынхон аймшигт босс, дарга болж чадна. Гэхдээ тэд лидер биш, даанч тэднийг уурлуулчихгүйн тулд хүмүүс сонсдог. Спортод бол гүйлт, хүнд атлетик, заримдаа тулааны урлагт авьяастай.
Нэрт хөгжимчин, хийлч Никколо Паганин энэ могойн ордынх. Түүнийг олон хүн шуламсын элч, оюун санаагаа шуламст худалдаж байж л ингэж тоглодог гэж үздэг байсан гэдэг. Харгислалаараа нэрд гарсан Чилийн дарангуйлагч Аугусто Пиночет мөн л энэ ордных. Кун-фу, каратэгийн мастер Брюс Лиг бас хэлж болно.