Хятадын Ухань хотоос эхлэн дэгдсэн 2019-nCoV коронавирусын халдварын улмаас нас барагсдын тоо 80 хүрлээ гэж БНХАУ-ын Эрүүл мэндийн газраас мэдээлснийг South China Morning Post хэвлэл дамжуулжээ. Үүний зэрэгцээ лабораторын шинжилгээгээр энэ өвчний халдвар авсан хүн 2400 хүрснийг нотолжээ.

Халдвар авсан хүнийг 2000, нас барсан хүнийг 56 гэж ням гарагт мэдээлж байсан юм. Эх үүсвэр нь зэрлэг амьтан, далайн гаралтай бүтээгдхүүн гэж үзэж байгаа коронавирус 2019-nCoV нь анх Ухань хотын далайн бүтээгдхүүн худалдаалдаг “Хуанань” захаас эхлэн хамгийн анхны тохиолдол өнгөрөгч оны арванхоёрдугаар сарын 31-нд илэрсэн юм. Өнөөдөр хятадын 30 муж, хот онц байдал зарлаад, хот хоорондын болон хотын нийтийн тээвэрээ хааж жуулчдын автобусыг оруулахгүй, музей, театр, амьтны хүрээлэн, түүх дурсгалын дурсгалт газраа хааж, олон нийтийн төрөл бүрийн арга хэмжээ зохиохгүй байна.