Канадын Canada Goose компанийн тэргүүн Дани Рейсс шинэ төрлийн коронавирусийн тархалтаас болоод тэрбумтнуудын жагсаалтаас хасагдахад хүрчээ. Үслэг эдлэл, хүрэм үйлдвэрлэдэг тус компанийн хувьцаа хөрөнгө оруулагчдын болгоомжлолоос болоод сүүлийн үед бараг хоёр дахин хямдарсан байна. Өнгөрсөн баасан гарагт нийтэлсэн тайлангаас үзэхэд коронавирусээс болоод эрсдэл улам нэмэгдэж, компанийн эзний хөрөнгө 874 сая ам.доллар болтлоо буурчээ.
Өмнө нь хөрөнгө оруулагчид Canada Goose компанийн хувьцааг булаалдан авдаг байсан хэмээн Forbes сэтгүүлд бичсэн байна. Дараа нь бизнес удааширч, амьд байгаль хамгаалагчид тус компанийн эсрэг аян өрнүүлсэн зэргээс болон нөөц нь хумигдан, зах зээл дээр түгшүүр төрсөн нь ийм байдалд хүргэсэн байна. Байгаль хамгаалагчид тус компанийг хүрэм, малгайтай цамц үйлдвэрлэхдээ жинхэнэ арьс ашигладаг гэж буруутгадаг. Энэ бүхнээс болоод Canada Goose-ийн хувьцаа өнгөрсөн онд 42 хувь хямдарсан байна.
Бараг 20 компанийн хувьцаа эзэмшдэг Дани Рейсс 2019 оны гуравдугаар сард Forbes сэтгүүлийн гаргадаг тэрбумтнуудын жагсаалтад ороход хөрөнгө нь 1.3 тэрбум байсан юм.