Дундговь аймгийн Гурвансайхан сумын малчид нэгдэн сан байгуулж ажиллаад гурван жил болжээ. Нэг малчин өрх жилд сая төгрөг сандаа хандивлаж орон нутгаа хөгжүүлэх үйлсэд гар бие оролцож ирсэн байна. Харин энэ удаа тэд Ардчилсан намаас нэр дэвшихээр горилж буй нутгийнхаа залууг дэмжиж тус бүр сая төгрөгөө хандивлаж эхэлжээ. Улс төрийн намын санхүүжилт хаалттай байдгаас болж ихээхэн шүүмжлэлийг дагуулж ирсэн.

Харин Ардчилсан нам энэ жилийн сонгуулийн санхүүжилтээ ил тод зарлаж сонгуульд нэр дэвших хүсэлтэй гишүүдээсээ татвар авч мөнгөн дүнг нь олон нийтэд ил болгосон. Ингэснээр намын санхүүжилт ил тод болж нэр дэвшихийг горилогчдод боломж олгож байгаа юм. Ардчилсан намаас санаачлан хэрэгжүүлж байгаа уг ажлыг хөдөөгийн малчид дэмжихээ илэрхийлж тухайлбал Дундговь аймгийн Гурвансайхан сумын 100 гаруй малчин өрх тус бүр сая төгрөгийг Ардчилсан намын залуу боловсон хүчин Р.Эрдэнэбүрэнд хандивлав. Р.Эрдэнэбүрэн нь “Сумандаа сайхан амьдаръя” төслийг өнгөрсөн хугацаанд хэрэгжүүлж ирсэн. Тэр ч утгаараа малчид нутгийнхаа хүүд хөгжлийн сангийнхаа санхүүжилтийг хандив болгон өгч буй нь энэ юм.

эх сурвалж : "Ардчилал таймс" сонин