Засгийн газрын хуралдаанаар хорио цээрийн хугацааг сунгаж гуравдугаар сарын 30-нд хичээл орохоор болсон. Үүнтэй холбоотойгоор БСШУС-ын сайд Ё.Баатарбилэг мэдээллэл хийлээ.

Хичээл, сургалтын үйл ажиллагааг түр зогсоох хугацааг сунгасан ч, сурагчдын зуны амралт, элсэлтийн ерөнхий шалгалтын хугацаанд өөрчлөлт орохгүй. Мөн хичээл сургалт эхэлсэн хоёр сарын хугацаанд даваагаас бямба гарагт хичээл орох бөгөөд гуравдугаар улиралын амралтыг цуцаллаа. 

БСШУС-ын сайд Ё.Баатарбилэг "Гуравдугаар сарын 2-ныг хүртэлх хугацаанд 402 удаагийн 6,355 минутын 40 хичээлийг орон даяар 170 багш бэлтгэн хүргэсээр байгаа. Эдгээр хичээлийг бэлтгэн хүргэхэд телевизийн 350 гаруй ажилтны хүч хөдөлмөр шингэсэн гэдгийг тодотгох ёстой.

 Анги дэвших болон төгсөх шалгалтын 7 хоногийг хичээлийн 7 хоногт шилжүүлж, шалгалтыг хичээлийн жилийн үргэлжлэх хугацаанд багтаан зохион байгуулна.

Үлдсэн 2 долоо хоногийн хичээл, сургалтын агуулгыг "Теле хичээл"-ээр зохион байгуулах зохицуулалт хийнэ. Мөн теле хичээлээр заасан шинэ агуулгыг бататгах 1 долоо хоногийн хичээлийг бэлтгэнэ. Цагаан сарын буюу хоёрдугаар сарын 24-28-ны 7 хоногт Иргэний ёс зүйн боловсрол хичээлд суурилан сурагчдад Монгол үндэсний өв соёлын агуулга бүхий Теле хичээлүүдийг заахаар бэлтгэл ажлаа хангаж байна.

• Цэцэрлэг болон ерөнхий боловсролын сургуулийн I-V ангийн сурагчдын хувьд 6 дугаар сарын 1-ний өдрөөс,
• VI-XII ангийн сурагчид зургаадугаар сарын 8-наас эхлэн амарна. 

Элсэлтийн ерөнхий шалгалтыг VI сарын 8-11-ний өдрүүдэд зохион байгуулж, их, дээд сургуулийн элсэлтийг зургаадугаар сарын 15-нд дуусгахаар төлөвлөж байна" гэв.