“Найман хөлөл”-д эрэгтэй хүний “билгийн” насыг “Гал”-аас нар зөв, эмэгтэй хүнийг “Ус”-наас нар буруу тойруулан тоолж тухайн жил ямар хөлөлд суусныг олдог. Шинийн нэгний өглөө зүг чигээ гаргахдаа тухайн жилд суусан хөлөлийн “Цог хийморийн” зүгт гарч “Буян хишгийн” зүгээс ирдэг уламжлалтай. Хэрэв мөр гаргах зүгт “Хар нохойн ам” таарвал “Эмийн” ба “Амин” зүгт мөрөө гаргаад “Буян хишгийн” зүгээс гэртээ ирнэ. 

“Хотол төгс” хэмээх төмөр хулгана жилийн “Хар нохойн ам”:
-Жилийнх нь хойд зүгт
-Сарынх нь зүүн зүгт
-Өдрийнх нь баруун зүгт тус тус байрлаж байна.