Дэлхийн зах зээл дээр алт унци нь 1600 ам.доллараас давсан нь 2013 оноос хойших хамгийн өндөр үзүүлэлт болж байгаа нь хамгийн сүүлийн худалдаанаас харагдлаа. Хоёрдугаар сарын 19-нд Нью-Йоркийн Comex бирж дээр алтны үнэ 0.4 хувиар өсч унци нь 1610.5 ам.доллар болсон байна. Ийм өсөлт таван ч худалдаа дамнан үргэлжилжээ. Үүний өмнө яг долоон жилийн өмнө 2013 оны гуравдугаар сард л унци алт 1614.4 ам.долларын үнэд хүрч байсан. Мөнгөний үнэ сүүлийн сард бас 0.6 хувиар өсч унци нь 18.26 ам.доллар болжээ. Үнэт металлын үнэ ийн өсч байгаа нь шинэ төрлийн коронавирусийн тархалт нь дэлхийн эдийн засагт сөргөөр нөлөөлнө хэмээн хөрөнгө оруулагчид болгоожмилж байгаатай холбоотой хэмээн ТАСС агентлаг бичсэн байна. Шинэ төрлийн коронавирусийн энэ тархалт нь дэлхийн эдийн засагт 2008-2009 оны дэлхий дахины санхүүгийн хямралаас ч илүү үр дагаавр авчирч мэднэ гэж судалгааны Moody’s агентлаг өнгөрсөн нэгдүгээр сард төлөв гаргаж байсан.

эх сурвалж :"Ардчилал таймс" сонин