Засгийн газрын хэрэг эрхлэх газрын дарга Л.Оюун-Эрдэнэ Говь-Алтай аймгийн Засаг дарга В.Ренчиндоржийг үүрэгт ажлаас нь чөлөөлсөн болохыг мэдээллээ. Түүнийг ажлын байранд архидан согтуурсан нь тогтоогдож, баримтаар нотлогдсон тул ийнхүү чөлөөлөхөөр болсон байна.

В.Ренчиндорж ажлын байранд архи, согтууруулах ундаа оруулснаа хүлээн зөвшөөрсөн бөгөөд ёс зүйн хариуцлага хүлээхэд бэлэн байгаагаа хэлжээ.

Харин тус аймгийн Гэр бүл хүүхэд залуучуудын хөгжлийн газрын дарга Б-ийн амь насаа алдсан асуудлыг цагдаагийн байгууллага шалгаж байгаа бөгөөд хэргийг шалгахад багадаа 14 хоног шаардлагатай гэж Л.Оюун-Эрдэнэ хэллээ.