ЭМЯ-аас дахин анхааруулга мэдэгдэл хийлээ.

ГХЯ-ны Консулын газрын дарга Л.Мөнхтүшиг "Гадаад харилцааны яам Эрүүл мэндийн яаманд цаг алдалгүй бүхий л мэдээллийг өгөн ажиллаж байна.

БНСУ-д манай улсын иргэн коронавирусээр халдварлалаа гэсэн мэдээллийн мөрөөр иргэд, олон нийтийн дунд худал мэдээлэл их байгаа нь харамсалтай байгааг дурдмаар байна.

БНСУ-д манай улсын иргэн нас бараагүй гэдгийг хариуцлагатайгаар хэлье. Гадаадад манай улсын иргэн нас барах болон ямар нэгэн гэмт хэрэгт холбогдох тохиолдолд тухайн улсын холбогдох байгууллагууд манай ЭСЯ-д албан ёсоор мэдэгддэг.

Албан ёсны мэдээлэл ирэхийг хүлээлгүйгээр бид холбогдох сувгаараа ЭСЯ-тай холбогдоход дээрх мэдээллийг өгсөн.

Энэ иргэний биеийн байдал хүнд байна. Эдгээр хүний ар гэрийг бодоосой гэж хүсэж байна.

Нэг ч Монгол хүн битгий өвдөөсэй. Үүний төлөө төрийн бүх байгууллагууд цаг наргүй ажиллаж байхад худал ташаа мэдээлэл  түгээхгүй байхыг анхааруулмаар байна. Нислэг цуцлагдсантай холбоотой хүндрэлүүдийг шийдвэрлэхээр ажиллаж байгаа энэ цаг үед мэдээллийг албан ёсоор ЭМЯ-наас авна уу. Хариуцлагатай байх уриалгыг төрийн өндөрлөгүүд гаргасан үүнийг дагаачээ гэж хэлэх байна.

Нэг ч Монгол хүн коронавирусийн халдвар битгий аваасай гэдэг сэтгэлээр ажиллаж байна шүү гэдгийг ойлгоорой" гэж хэллээ.