Гэр бүлийн хүрээнд сар шинийн баяр тэмдэглэх шийдвэр гарч, битүүний өдрийн 06.00 цагаас Улаанбаатар хотоос гарах болон орох хөдөлгөөнийг хориглосон. Аймаг, орон нутагт ч энэ шийдвэр ижил байдлаар мөрдөгдөж байсан. Тэгвэл өчигдөр Улсын онцгой комисс хуралдаж зорчих хөдөлгөөнийг гуравдугаар сарын 3-ны 06.00 цагт нээхээр болжээ. Гэхдээ үзлэг, шалгалт хэвээр үргэлжлэх учраас онцгой шаардлагагүй бол орон нутаг болон олон улсад зорчихгүй байхыг зөвлөлөө. Мөн Эрхүү, Улаан-Үд чиглэлийн нислэгийг гуравдугаар сарын 11 хүртэл цуцалсан байна. 

Түүнчлэн энэ хурлаар ажиглалт, хяналтад зориулсан тусгаарлах байрны орны тоог нэмэгдүүлэх, нүүрс, газрын тосны экспортыг эхлүүлэхтэй холбоотой бэлтгэл ажил хангуулах үүргийг холбогдох хүмүүст өгсөн байна.

эх сурвалж :"Ардчилал таймс" сонин