COVID-19 халдварын голомт болох БНХАУ-ын Хубэй мужийн Ухань хотод хөл хорионд орсон монгол иргэдээ тусгай үүргийн онгоцоор эх оронд нь авчирсан  Г.Баатарцогт даргатай нисэх баг бүрэлдэхүүнийг өнөөдөр Зам, тээврийн хөгжлийн сайд Г.Энх-Амгалан зам тээврийн салбарын шагналаар шагнаж урамшууллаа. Тухайн үед Ухань хотод Монгол Улсаас 33 оюутан сурч байсан бөгөөд 31 нь эх орондоо ирэх хүсэлт гаргаад байсан юм. Энэ дагуу нэгдүгээр сарын 31-ний орой 23:00 цаг орчимд хөөрсөн МИАТ-ийн тусгай үүргийн онгоцоор 31 оюутан, нэг хүүхэд буюу 32 монгол иргэнийг авчирч, ХӨСҮТ-д тусгаарласан билээ.

Нисэх баг бүрэлдэхүүн ч мөн зохих журмын дагуу 14 хоног тусгаарлагдсан юм.

Эх сурвалж: МИАТ ТӨХК