“COVID-19” халдварын тархалтын улмаас Засгийн газраас засаг захиргаа, нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг 2020 оны хоёрдугаар сарын 13-аас эхлэн Гамшгаас хамгаалах өндөржүүлсэн бэлэн байдлын зэрэгт хэсэгчлэн шилжүүлсэн билээ.

Үүнээс үүдэн жижиг дунд бизнес эрхлэгч, лангуу түрээслэгчдийн орлого багасаж, түрээсээ төлж дийлэхээргүй хэмжээнд хүрээд байгааг бизнес эрхлэгчид хэлж байгаа. Үүнийг харгалзан үзэж хэд хэдэн байгууллага түрээсийн төлбөрөө хөнгөлөөд буй. Үүний дагуу “Хүчит шонхор” захын захирал Т.Сайнхүү тус захад худалдаа үйлчилгээ эрхлэгч лангуу түрээслэгч нарт түрээсийн төлбөрийн 50-100 хувийн хѳнгѳлөлт үзүүлэх шийдвэр гаргажээ.