Прокурорын байгууллага ЖДҮХС болон төрд учирсан хохирлыг нөхөн төлүүлэх талаар ямар арга авч байгаа талаар УЕПГ-ын Шүүхэд төрийг төлөөлөх хэлтсийн Төр нийтийн ашиг сонирхлыг хамгаалах албаны ахлах прокурор Х.Батчимэгээс тодрууллаа.
Тэрбээр “ЖДҮ-тэй холбоотой зарим хэргийг эцэслэн шийдвэрлээгүй байгаа, гэхдээ учирсан хохирлыг төлүүлэх нь гарцаагүй. Төрийг төлөөлж прокурор нэхэмжлэл гаргах нь тодорхой. Эрүүгийн хэрэг мөн гэж шүүх шийдвэрлэвэл хохирлыг гаргуулахаар эрүүгийн шүүх шийдвэрлэнэ, магадгүй гэмт хэрэг биш гэж шийдвэрлэвэл прокурор нэхэмжлэл гаргах дараагийн асуудал яригдана” гэв.
Дашрамд дурдахад, УИХ-ын гишүүн Б.Батзориг нарт холбогдох хэргийг Баянзүрх дүүргийн анхан шатны шүүхээс прокурорт буцаах шийдвэрийг 2019 оны арваннэгдүгээр сард гаргаж байсан. Эх сурвалжийн мэдээллээр Б.Батзориг нарт холбогдох хэргийг прокуророос 2020 оны хоёрдугаар сарын 28-нд шүүх рүү шилжүүлсэн байна.

эх сурвалж :"Ардчилал таймс сонин"