Монголд шинэ төрлийн коронавирусын анхны тохиолдол бүртгэгдлээ гэж тус улсын Онцгой байдлын комисс мэдээлснийг Reuters агентлаг дамжууллаа. Энд мэдээлснээр бол вирусын халдвар авсан хүн Францаас оросын Москва хотыг дамжин Улаанбаатарт ирсэн юм байна. Францын тэр иргэн Монголд ажилладаг нэгэн компаний ажилтан юм байна. Эрх баригичд халдвар тээгчийн ойрын хавьтлын хүмүүсийг тогтоон тусгаарлах ажил зохион байгуулж байна. Франц иргэнийг Улаанбаатар нисч ирснээс зургаа хоногийн дараа өвчний халдвар авсан нь тогтоогдсон гэж Монгол Улсын Онцгой байдлын комиссын дарга Ө.Энхтүвшин мэдэгдсэнийг хятадын Синьхуа агентлаг дамжуулжээ. “Өвчтөн Францын иргэн 57 настай, Улаанбаатарт гуравдугаар сарын 2-ны өдөр ирсэн. Эхлээд хяналтад орсон ч өвчний шинж тэмдэг илрээгүй. Харамсалтай нь бямба гаргаас тэрээр халуурч эхэлсэн” гэж Ө.Энхтүвшин мэдэгджээ. Дахин шинжилгээ авахад тэр эрэгтэй коронавирусын халдвар авсан нь тогтоогдсон байна. Францын иргэн одоо Дорноговь аймагт хяналтад ороод байна.