Зуны Токио-2020 олимпын наадмын гал асааж, шилжүүлэн өгөх ёслолыг шинэ төрлийн коронавирусийн халдварын тархалтаас болоод үзэгчгүй зохион байгуулна гэж Грекийн Үндэсний олимпын хорооны хэвлэлийн алба мэдэгдсэн байна. Энэ сарын 12-нд байгуулахаар төлөвлөж байгаа ёслолд ойролцоогоор 100 хүн оролцоно, хэвлэл мэдээллийнхэнд ч хаалттай гэжээ. “Олимпын гал асаах ёслол үзэгчгүй, зөвхөн Олон улсын олимпын хороо, Токиогийн олимп зохион байгуулах хорооны төлөөлөл 100 хүн л оролцоно” гэж мэдэгдэлд дурдаад олимпын гал асаах ёслолд ирэх хотуудын дарга нар, албаны хүмүүст Эрүүлийг хамгаалах яам, Нийгмийн эрүүл мэндийн үндэсний байгууллагын заавар зөвлөгөөг нарийн мөрдөхийг уриалж байна гэсэн байна.
Арга хэмжээ төлөвлөсөн хугацаандаа болно, болгоомжлох үүднээс оролцох, сургуулилт хийх хүмүүсийн тоонд өөрч­лөлт оруулсан, бас үзэгчгүй зохион бай­гуулна гэж үүний өмнө мэдэгдэж байсан. Зуны олимп ирэх долдугаар сарын 24-нөөс наймдугаар сарын 9-ний өдрүүдэд Японы нийслэл Токиод болно. Шинэ төрлийн коронавирусийн халдвараар Грекийн 66 хүн өвчлөөд байгаа юм. 

эх сурвалж :"Ардчилал таймс сонин"