Өчигдөр манай улсад коронавирусын анхны тохиолдол бүртгэгдсэн билээ. Үүнтэй холбогдуулан "Оном" сангийн үүсгэн байгуулагч Д.Наранбаатар мэдээлэл өгсөн юм. Тэрээр хамгийн эхэнд Монгол Улсад шинэ коронавирусийн халдвар илэрсэн нь УОК, ЭМЯ-ны маш ноцтой алдаа хэмээн үзэж байгаагаа хэлсэн юм. Мөн тэрээр "Манай эрдэмтдийн баг болон бусад мэргэжлийн хүмүүс иргэдийн зөвхөн халууныг үзээд нэвтрүүлж болохгүй гэж үзэж байгаа. Шинж тэмдэг илрэхгүй 7-8 хонож байгаа, тэр үедээ халдвар дамжуулж байгаа талаар эрдэм шинжилгээний өгүүллүүд олон улсад нийтлэгдсэн даруйд "Оном" сангийн эрдэмтдийн баг дамжуулж мэдээлсээр байсан.

Бидний хувьд УОК өвчлөл гарсан улс, тэр дундаа голомтлон гарсан улсуудаас ирж байгаа хүн бүрийг тусгаарлаж байгаа гэж ойлгож байтал тийм биш байжээ. Франц улсын иргэнийг зүгээр өөрийгөө гэртээ тусгаарлаарай гээд явуулсан нь маш ноцтой алдаа.

Өнөөдөр манай эрдэмтдийн баг УОК болон ЭМЯ-нд маш тодорхой хэдэн зөвлөгөө өгөхөөр ярилцлаа" гэсэн юм.

Бүтэн бичлэгийг дээрх бичлэгээс үзнэ үү.