Нийслэлийн Онцгой байдлын газар, Мэргэжлийн хяналтын газар, Эрүүл мэндийн газар, Агаарын бохирдолтой тэмцэх газрын төлөөллүүд цаг үеийн асуудлаар өнөөдөр мэдээлэл хийлээ.

Энэ үеэр НОБГ-ын дэд дарга Д.Эрдэнэбаатар “Хот, хоорондын тээврийн хэрэгслийн хөдөлгөөнд хязгаарлалтад зайлшгүй хүндэтгэх шалтгаантай бол орон нутаг руу зорчих зөвшөөрөл олгож байгаа.

Ар гэрийн гачигдал, Арчилгаа, сувилгаа шаардлагатай болон өвчтэй хүнийг асрах, Яаралтай албан үүрэг гүйцэтгэх шаардлагатай буюу тусгай ажил үйлчилгээ гүйцэтгэх шаардлагатай тохиолдолд орон нутгийн замд зорчих зөвшөөрлийг олгоно.

Одоогийн байдлаар иргэн, аж ахуйн нэгжид “Нэвтрэх зөвшөөрөл” гэсэн бичгийг нийслэлийн Онцгой комисс дээр олгож байна.

Мөн  бидэнд Улаанбаатар хотод хувийн ажлаар орж ирсэн иргэдээс хотоос гарч, гэр рүүгээ явахыг хүссэн өргөдөл, гомдол маш их ирж байна. Нийслэлийн Онцгой комиссын зүгээс иргэдээс ирүүлж буй тухайн хүсэлтийг дээрх шаардлагын дагуу нягтлан, нотлох баримтыг үндэслэж зөвшөөрөл олгож байгаа гэдгийг онцолж хэлмээр байна" гэв.