“ЭТТ” компанийн гүйцэтгэх захирал Б.Ганхуяг өнөөдөр мэдээлэл өглөө.

Өнөөдрөөс Цагаан хаднаас Гашуун Сухайт хүртэл нүүрс тээвэрлэлт эхэлж байна. Жолооч нар хамгаалалтын бүрэн хувцас өмсөж, машиндаа халдваргүйжүүлэлт хийсний дараа хил нэвтрэнэ гэдгийг “ЭТТ” компанийн гүйцэтгэх захирал Б.Ганхуяг хэлсэн юм .                             

Энэ сарын 3-наас хойш 825 иргэн хувьцааны дансаа нээлгэхийн тулд мэдээлэл авахаар "ЭТТ" компанид ханджээ. Харин утсаар 63 мянган иргэн 1072 хувьцааны ногдол ашгийн талаар лавласан байна. Мөн  хорин мянган иргэн шинээр хувьцааны дансаа нээлгэжээ. Нийт 11 компани хувьцааны дансыг цахимаар нээж байгаа бөгөөд одоогоор 100 орчим мянган иргэн дансаа нээлгээд байна. 

Ирэх сарын 24-нд “ЭТТ” ХХК-ийн Хувьцаа эзэмшигчдийн ээлжит хурал болно. Компанийн ТУЗ-өөс хувьцаа эзэмшигчдийн хурлыг уурхайн салбарт буюу Цогтцэций суманд хийхээр шийдвэрлэжээ. Учир нь орон нутгийн иргэд энэ хуралд оролцох сонирхлоо илэрхийлсэн байна. Мөн  КОВИД 19-өөс урьдчилан сэргийлэх зорилгоор энэ шийдвэрийг гаргасан гэж “ЭТТ” компанийн гүйцэтгэх захирал Б.Ганхуяг хэллээ.