Өнөөдөр /2020.03.17/ Шударга өрсөлдөөн, хэрэглэгчийн төлөө газраас цаг үеийн асуудлаар мэдээлэл хийлээ. Коронавирусийн тархалтаас сэргийлж буй энэ үед байгууллагуудад хяналт, шалгалт хийсэн бөгөөд бараа бүтээгдэхүүний үнийг нэмж, үнийн хоорогдол үүсгэсэн байгууллагуудад торгуулийн арга хэмжээ авсан байна. 

Энэ талаар тус газрын дарга Б.Лхагва "Байцаагчдыг өдөр бүр хуваарилан зах, худалдааны төвүүд дээр хяналт, шалгалт хийлгэж байна. Үүгээр гуравдугаар сарын 10-ны өдрөөс хойш махны үнийг нэмж худалдсан Улсын их дэлгүүр дэх “Номин Тав Трэйд” ХХК-ийг 20 сая төгрөгөөр торголоо. Энэ компани хонины ястай махыг 1500, үхрийн ястай махыг 2000, үхрийн цул махыг 3000 төгрөгөөр тус тус нэмж худалдсан байна. Өөрөөр хэлбэл үхрийн цул мах нэг килограмм нь 14400 төгрөг байсныг 17999 болгон нэм” гэлээ. Мөн эм ханган нийлүүлэх тусгай зөвшөрөл өгдөг байгууллагууд хяналтай илүү өндөр түвшинд тавьж ажиллах хэрэгтэй байна. Зарим эмийн сан 4500 төгрөгийн гар ариутгагчийг 11 мянган төгрөгөөр борлуулж байна. Үнээ буулгах шаардлага тавихад тэгвэл зархаа болилоо гэж эсэргүүцэл үзүүлж байна. Мөн хяналт шалгалтын явцад ариун цэврийн шаардлага хангахгүй байгууллага олон байна. Тиймээс энэ тал дээр илүү анхаарч ажиллах хэрэгтэй. Иргэдийн зүгээс үнээ нэмсэн байгууллага, дэлгүүр байвал баримтжуулан бидэнд гомдол гаргавал шуурхай ажиллан арга хэмжээ авна гэдгээ хэлье" гэв.