Эрүүл мэндийн яамнаас мэдээлэл хийж байна. 

ЭМЯ-ны хэлтсийн дарга Д.Нарангэрэл "Манай улсад өчигдөр гурван хүнд халдвар илэрсэн. Гурван иргэний хоёр нь Сөүл-Улаанбаатарын онгоцоор ирсэн бол нэг нь Берлиний тусгай нислэгээр ирсэн. Одоо ХӨСҮТ-д тусгаарлаад байна. Ойрын бүх хавьтлыг шинжилгээнд хамруулна. Онгоцонд хоолоор үйлчлээгүй,  иргэдийг амны хаалтаа авахгүй, аль болох хоорондоо ярихгүй байх зөвлөмж өгсөн тул онгоцонд халдвар дамжсан байх эрсдэл багатай. Шинээр халдвар авсан 3 хүний бүх хавьтлуудыг тогтоон ХӨСҮТ-д тусгаарлаж, шинжилгээ авч байна. Солонгосоос ирсэн хоёр хүн эмнэлэгт үйлчлүүлж байгаад ирсэн. Тэгэхээр аль ч улсын эрүүл мэндийн байгууллагууд халдвар авах эрсдэлтэй байна. Тиймээс иргэд аль болох гэрээсээ гарахгүй, эмнэлгээр явахгүй байх нь зүйтэй. Шаардлагатай тохиолдолд утсаар зөвөлгөө мэдээлэл авч болно" гэв. 

Д.Нямхүү "Гуравдугаар сарын 11-нд батлагдсан франц иргэнтэй хавьтал болсон 88 хүнд хийсэн давтан шинжилгээгээр коронавирус илрээгүй. Баян-Өлгийд тусгаарлагдсан хоёр иргэний шинжилгээний хариу мөн сөрөг гарсан. Өчигдөр идлэрсэн гурван хүнтэй хавьталд орсон 111 хүнийг тусгаарласан. Тэдний 61 хүнээс вирус илрээгүй. Үлдсэн хүний шинжилгээг хийж байна. Онгоцоор ирсэн 43 хүнд түргэвчилсэн тест авч үзлээ. Бүх хүнээс коронавирус илрээгүй" гэж хэллээ.