ЭМЯ-ны мэдээллийн үеэр Эмнэлгийн тусламжийн газрын дарга Я.Буянжаргал мэдээлэл өглөө.

Тэрээр "Нэгдүгээр сарын 9-нөөс хойш тусгаарлан ажиглалтад 2239 иргэн хүлээн авснаас өнөөдрийн байдлаар /2020.03.17/ 1330 хүн тусгаарлагдаж байна. Нийтдээ 293 сэжигтэй тохиолдолд шинжилгээ хийснээс онош батлагдаж, коронавирус илэрсэн дөрвөн тохиолдол бүртгэгдлээ.  Өчигдөр Токио-УБ-ын нислэгээр 256 зорчигч ирсэн. Сэжигтэй болон эрсдэлтэй бүс нутгаас ирсэн иргэдийг ХӨСҮТ-д, эмнэлгийн тусламж үйлчилгээ шаардлагатай 63 иргэнийг Цэргийн төв эмнэлэгт, бусад иргэнийг Жаргалант, Наранбулаг, Парк гэсэн зочид буудал, сувилалд байрлуулан ажиглаж байна.

Хилийн боомтуудаар олон улсаар дамжсан иргэд ирсээр байна. Сэлэнгийн Алтанбулаг, Баян-Өлгийн Цагааннуур сум дахь боомтуудаар Австрали, Тайланд, Тайвань, Филиппин, Хонгконг, БНСУ, Хойд Солонгос, Канад, Франц, ОХУ, АНУ, Унгар, Испани, Индонез, Укбекистан, Турк, Энэтхэг улсуудаар дамжсан иргэд ирснийг бүрэн тусгаарласан" гэв.

Мөн тэрээр резидент эмч нар болон тархвар судлалын мэргэжлийн тэтгэвэрт гарсан эмч нараа татан оролцуулж ажиллаж байна. БНХАУ-аас коронавирусийн халдварыг эмчлэх уламжлалт анагаах ухааны эмчилгээний жорыг авсан. Уламжлалт эмчилгээний заавар журмын мөн батлуулсан гэдгийг хэлж байлаа.