Сирийн нутаг дэвсгэрт үйл ажиллагаа явуулдаг алан хядагч террорист “Хайат Тахрир аш Шам” бүлэглэл Сирид ажиллаж байгаа Оросын сэтгүүлчдийг хөнөөсөн хүнд өндөр шан харамж өгнө гэснийг тэдэнтэй нягт холбоотой байдаг суртал нэвтрүүлэгч тараасан байна. Vesti.ru хэвлэлд мэдээлснийг үзэхэд алан хядагчид Оросын цэргийн сурвалжлагч Евгений Поддубный, Олег Блохин нарыг хөнөөвөл 25 мянган ам.доллароор шагнана гэж зарласан гэнэ. Зарим эх сурвалжын мэдээлснээр бол Евгений Поддубныйн толгойг 50 мянган ам.доллароор үнэлсэн гэж байгаа. Үүний зэрэгцээ Сирийн Идлиб мужид ажиллаж, Туркийн хүчнийхэнтэй хамт эргүүл хийж байгаа Оросын цэргийнхнээс хэн нэгнийг олзолж авчирсан хүнийг 100 мянган ам.доллароор урамшуулна гэсэн мэдээлэл бас байна.