Өнгөрсөн нэг хоногийн хугацаанд Казахстан улсад шинэ коронавирусийн халдварын тохиолдол хоёр дахин нэмэгджээ. Үүнд нийслэл Нур-Султан хотод гурав, Алматы хотод 15 шинэ тохиолдол бүртгэгдэж, нийт халдварын тоог 33 боллоо.

Үүнтэй холбоотогоор Казахстаны ерөнхий сайд Аскар Мамин ерөнхийлөгчийн дэргэдэх онцгой коммист санал оруулан, гуравдугаар сарын 19-ний шөнө дундаас эхлэн дөрөвдүгээр сарын 15 хүртэл хугацаанд тус халдвар бүртгэгдсэн хотуудад хөл хорионы хатуу дэглэм тогтоохоор шийдвэрлэсэн байна.

Төлөвлөгөөний дагуу хоёр хотыг дотор нь дэд хэсгүүдэд хувааж, хэсэг тус бүрт хяналтын постууд байгуулах аж. Ингэснээр хот дотрох автомашины болон явган хүний хөдөлгөөнийг эрс хязгаарлах юм байна.

Мөн хоёр хотын үйлчилгээний байгууллагууд хаагдаж, зөвхөн хүнсний дэлгүүр, эмийн сангууд ажиллахаар болжээ. Хотын хуваасан хэсгүүдэд хүнс, өргөн хэрэглээний бараа, эм түгээх цэгүүд ажиллуулахаар болсон байна.

Эх сурвалж: Reuters, Radio Free Europe /Radio Liberty