ЭМЯ-аас ээлжит мэдээлэл хийлээ.  Мэдээллийн үеэр ХӨСҮТ-ийн захирал Д.Нямхүү хэлэхдээ "Берлин, Москва, Улаанбаатарын онгоцоор ирсэн нэг иргэнээс түргэвчилсэн тестээр коронавирус илэрлээ. Бид Төв лабораторийн шинжилгээг хүлээлгүйгээр хүнээ яаралтай оношилж, илрүүлэх зорилгоор түргэвчилсэн оношлуурыг ашиглаж эхлээд байгаа. Урьдчилсан байдлаар коронавирус илэрсэн иргэний PCR шинжилгээний хариу үдээс хойш гарна" хэмээн хэллээ. Коронаврусийн халдвар илэрсэн таван иргэний нэгийнх нь биеийн байдал хүндэвтэр, бусад иргэдийн биеийн байдал хэвийн байгаа аж. 

Мөн тэрээр 17-нд ХӨСҮТ-д 1, Говь-Алтайд нэг, Сэлэнгэ аймагт хоёр нийт 4 сэжигтэй тохиолдлыг тусгаарлаж, шинжилгээ тандалт судалгаа хийн, сорьцыг Улаанбаатар руу авчирч байгаа гэдгийг хэллээ.