Эрүүл мэндийн яамнаас ээлжит мэдээллээ хийлээ.

 ЭМЯ-ны хэлтсийн дарга Д.Нарангэрэл мэдээлэлийг эхлүүлсэн юм тэрээр хэлэхдээ "АНУ-д нэг өдөрт 14 мянга гаруй хүн COVID-19 халдвар авлаа. Тус улсад Азийн орнуудтай харьцуулахад 18-34 насны залуучууд халдвар авч байна. Үүнээс харахад насны хувьд залуужиж байна. 18-аас доош насны гурван хүүхэд нас барсан мөн нэг гэр бүлийнхэн нас барсан тохиолдол гарсан тул сонор сэрэмжээ алдахгүй байх хэрэгтэй.  Энэ мэтээр халдварын шинж тэмдгүүд өөрчлөгдсөөр байна. Эрүүл мэндийн байгууллагын мэдээ, уриалгыг дагаж мөрдөхийг хүсэж байна. Бид вирусийн хоёр дахь давалгаанд бэлтгэлтэй байх ёстой" гэв.

ХӨСҮТ-ийн захирал Д.Нямхүү "Гуравдугаар сарын 23-нд нийслэлийн зургаан дүүргийн эмнэлгээс санамсаргүй түүврийн аргаар 24 хүнд СOVID-19 халдварын шинжилгээ авахад коронавирус илрээгүй. Одоогийн байдлаар 186 хүн ХӨСҮТ-д хяналтад байна. Истанбул-УБ-ын онгоцоор ирсэн хүмүүсээс шинжилгээ авч байна. Нэг хүнээс 5 төрлийн арчидасаас шинжилгээг авч хийж байгаа. Лабораторийн шинжилгээг өдөр бүр протукол хөтөлж хянаж байгаа тул иргэд шинжилгээнд эргэлзэх хэрэггүй. Халдвар авсан 10 өвчтөний биеийн байдал тогтвортой байна" гэлээ.