Коронавирусийн цаг үеийн асуудлаар мэдээлэл хийлээ. Энэ үеэр ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл “Дөрөвдүгээр сарын 11-нд Алтанбулагийн боомтоор 281 монгол иргэн ирж, тусгаарлагдсан. Тэд 2-3 улсаар дамжиж ирсэн, эрсдэл өндэртэй. Эдгээр иргэдтэй хамт ирэхээр төлөвлөсөн ч бие нь халуурсны улмаас ОХУ-д үлдсэн иргэний шинжилгээний хариу сөрөг гарсан. Одоо тухайн иргэн Улаан-Үдийн эмнэлэгт хэвтэн, эмчлүүлж байна.

Одоогоор Монгол Улсын ажиглалтанд 1618 иргэн байгаа. Жирэмсэн, зүрхний шигдээстэй иргэд, бага насны хүүхдэд эмнэлгийн яаралтай тусламж үзүүлсэн" гэв.

Мөн Хятадын ЭМЯ-наас шинэ судалгааны дүнг танилцуулж, хүмүүсийг хоёр метрийн зайнаас харьцахыг зөвлөж байсан бол дөрөв метр түүнээс дээш зайнаас харьцах зөвлөмж өгч эхэлсэн байна.

Мөн тэрээр тээврийн хэрэгслийг тэгш, сондгой тоогоор хязгаарлан явуулах тухай асуудлыг ЭМЯ дэмжихгүй байгаа. Учир нь тээврийн хэрэгслийн хөдөлгөөнийг хязгаарлавал нийтийн тээврийн хэрэгсэлд нягтрал үүсэх учир халдвар хамгааллын үүднээс дэмжих шийдвэр биш юм гэдгийг онцоллоо.