Өнөөдөр /2020.04.13/ ЦЕГ-ын Нийтийн хэв журмыг хамгаалах, олон нийтийн аюулгүй байдлыг хангах албаны Зөрчил шалгах, мэргэжил арга зүйн хэлтсийн дарга, Цагдаагийн дэд хурандаа Ч.Чинбат “Зөв амьдрах ухаан” ТББ-ын тэргүүн Г.Загдааг баривчилсан талаар мэдээлэл өглөө.

Нийслэлийн харьяа халамж үйлчилгээний хэлтсүүдээс "Зөв амьдрах ухаан" ТББ-д 2003 оноос эхлэн 695 сая төгрөг олгосон гэх мэдээлэл бий. ТББ-уудыг цэгцлэхгүй бол хүссэн хүн бүр төрийн албан хаагчийг хөөж, тууж байна. Эл асуудлыг баримтжуулж, нотлох баримтуудыг цуглуулж байна. Асруулагчийнхаа эрхийг зөрчсөн бол тус байгууллагын гэрчилгээг хүчингүй болгодог.

Хохирогч Х-гийн хэрэг хуулийн дагуу тогтоогдоно, нотлох баримт бий. Гэрч хохирогчийг хамгаалах эрхзүйн зохицуулалтын дагуу ажиллаж байна. Мөн түүнд холбогдох 5 хэргийг ЦЕГ шалгаж байна.

Тэрбээр, “Иргэн Г.Загдаад таван зүйл ангиар зөрчлийн хэрэг нээсэн. Үүнд

1. Хууль сахиулагчийг эсэргүүцсэн

2. Бусдын биед гэмтэл учруулсан

3. Хүчирхийлэл үйлдсэн зэрэг зөрчлүүд багтаж байгаа.

Дөрөвдүгээр сарын 9-нд иргэн Х нь Г.Загдаад удаа дараа хүчирхийлүүлсэн гэх гомдол гаргасан. Үүний дагуу хэрэг бүртгэл нээж, хуулийн дагуу баривчилсан. Мөрдөн шалгах үйл ажиллагаа явагдаж байна.

Мөрдөн шалгах үйл ажиллагааны талаар урьдчилсан байдлаар мэдээлэл өгөх боломжгүй. Бидэнд ил байгаа мэдээллээр, Г.Загдаа иргэн Х-г хүчирхийлсэн нь тогтоогдоно. Нотлох баримт байхгүй биш байгаа” гэлээ.

эх сурвалж :"Ардчилал таймс сонин"