Бээжин шинэ төрлийн коронавирусийн талаарх сурталчилгаагаараа “Энэ халдвар Хятадаас эхэлж тархсан” гэдгийг эргүүлэхийг оролдож байна гэж Германы үндсэн хууль хамгаалах холбооны алба (ХБНГУ-ын сөрөг тагнуулын алба) мэдэгдсэн байна. “Хятадын албаны хүмүүс коронавирустэй холбоотой мэдээлэл сурталчилгааны бодлогоо улам эрчимжүүлж байна” гэж Welt am Sonntag хэвлэлд Сөрөг тагнуулын алба мэдэгджээ.
Ингэхдээ Хятад барууны орнуудад тусламж үзүүлж байгаагаа сурталчлах замаар энэ халдварыг тараасан орон гэдгээ бүрхэгдүүлэхийг оролдож байна хэмээн энд дурдсаныг РИА Новости агентлаг дамжуулсан байна. ХБНГУ-ын сөрөг тагнуулынхан Хятад өөрийгөө “Хямралтай үр дүнтэй тэмцэх найдвартай түнш” гэж харуулахыг оролдож байна гэжээ. Сонины мэдээлснээр БНХАУ-ын төлөөлөгчид Германы яамны ажилтнуудтай утсаар ярьж коронавирусийн халдвартай тэмцэж байгаа Хятадын арга хэмжээнүүдийг эергээр мэдээлж байхыг хүссэн гэнэ.

эх сурвалж :"Ардчилал таймс сонин"