Улсын онцгой комиссын хуралдаанаас гарсан шийдвэрийг Гадаад хэргийн сайд Д.Цогтбаатар танилцууллаа.

Тэрээр маргааш буюу дөрөвдүгээр сарын 15-ны өдөр Эрээнд суугаа 50 монгол иргэнийг хүлээж авахаар болсон талаар мэдэгдлээ. Эдгээр иргэдийн дунд 0-5 насны 4, 5-18 насны 3 хүүхэд, өндөр настан 2 байгаа юм байна. Өнөөдрийн байдлаар 7888 иргэн эх орондоо буцах хүсэлтээ гаргасан байна. 

Түүнчлэн гадаадад суугаа иргэдээ эх оронд нь эргүүлэн татах ажлыг үргэлжлүүлсээр байна гэдэг байр суурийг илэрхийллээ. Мөн гадаадад байгаа Монголын 9 иргэн халдвар авсан байгаа. Мөн тусгай үүргийн онгоцоор авчирч амжаагүй гадаад дахь иргэдэд тусламж үзүүлэх талаар хэлэлцэх аж.