УОК-ын Шуурхай штабаас ээлжит мэдээллийг хийж байна. Энэ үеэр ойрын хугацаанд авч, хэрэгжүүлж буй ажлынхаа тухай танилцууллаа.

Онцгой байдлын ерөнхий газрын дарга, хошууч генерал Т.Бадрал "БНХАУ-ын ажилчдыг 30-40 хүртэлх хоног тусгаарласны дараа Замын-Үүд боомтын барилгын ажлыг эхлүүлэх чигийг өгөөд байна. Тухайн иргэд хил нэвтэрч гарч ирэхгүй. Мөн нүүрсний жолооч нарыг тухайн байрлаж буй кэмпэд тусгаарлахаар болсон. Өндөржүүлсэн бэлэн байдалд гарч буй зөрчлийг зохицуулах хоёр хуулийн төсвийг танилцуулсан байгаа. УОК-ын мэдээллийг гуйвуулах, худал мэдээллийг иргэдэд тараасан нөхцөлд хуулийн хариуцлага хүлээлгэнэ. Гадаадад буй иргэд эх орон руугаа ирэх оролдлого хийж байгаад халдвар авах вий. Тиймээс аль болох байрлаж буй газраасаа гарахгүй байж өөрийгөө болон хайртай хүмүүсээ эрсдлээс хамгаалах нь чухал” гэж хэллээ.