Улсын хэмжээнд үйл ажиллагаа явуулдаг 1,100 гаруй сургалтын төвийн төлөөлөл болж 120 гаруй байгууллага нэгдэн УИХ-ын дарга Г.Занданшатар, Ерөнхий сайд У.Хүрэлсүх, Хөдөлмөр, нийгмийн хамгааллын сайд С.Чинзориг болон нийслэлийн Засаг дарга С.Амарсайхан нарт шаардах бичиг хүргүүлэхээр болжээ.

Тэд сургалтын төвүүдийн төлөөлөл энэ сарын 6-нд Улаанбаатар хотуудад үйл ажиллагаа явуулж буй сургалтын төвүүдэд шаардлагын дагуу ариутгал, халдваргүйжүүлэлт хийж 10 хүнтэйгээр нээх хүсэлтийг Шадар сайд, УОК болон холбогдох албан тушаалтнуудад илгээсэн боловч хариу ирүүлээгүй байна. Тиймээс шаардлага хүргүүлж буй гэнэ.

Күнз ХХК-ийн Ерөнхий захирал Г.Өнөрсайхан "Өнгөрсөн гурван сарын хугацаанд түрээс, багш ажилчдынхаа цалин, зээлийн төлбөрөө өгч чадаагүйгээс 300 гаруй сургалтын төв дампуурсан. Тэсээд үлдсэн сургалтын төвүүд бүгд түрээсийн өр, ББСБ-д хөрөнгөө барьцаалж зээл авсан нөхцөл байдалтай байна" гэв.

Мөн төр засаг бидний эдийн засгийн нөхцөл байдлын огт тоохгүй орхилоо. Сургалтын төв гэлтгүй олон үйлдвэр, үйлчилгээний газрууд эдийн засгийн эргэлт саарсны улмаас хаагдаж байна. Тиймээс  хоригоо сулруулахыг хүссэн ч саун, иога, фитнесийн төвүүдийг л нээж байгаа нь харамсалтай байна. Бид өнөөдрийг хүртэл байж болох бүх нөөцөө шавхаж байгаа. Сайд нар хоорондоо уялдаа холбоогүй ажиллаж, судалгаа шинжилгээ хийхгүйгээр шийдвэр гаргаж байна хэмээн Эхлэл ХХК-ийн захирал Ч.Батзаяа хэмээн хэлсэн юм.

 Тэд цахим сургалтын төвөөр үйл ажиллагаагаа явуулсан ч жирийн өдрүүдэд олдог орлогынхоо ердөө 15 хувийг л эргэн олж байгаагаа онцолсон юм.