Эрүүл мэндийн яамнаас ээлжит мэдээллээ хийлээ. Франкфуртын онгоцоор ирсэн нэг иргэнээс коронавирус илэрч манай улсад бүртгэгдсэн нийт тохиолдлын тоо 41 боллоо хэмээн ХӨСҮТ-ийн ерөнхий захирал Д.Нямхүү хэллээ . Тэрээр хэлэхдээ "Турк улсын нэг иргэн эдгэрч, дараагийн тусгаарлалтад шилжлээ. Өчигдөр таван лабораторид нийт 307 хүнд шинжилгээ хийлээ. Үүргийн онгоцоор ирсэн 275 хүн, Дорнодоос тандалтын шугамаар хийсэн зургаан хүнд коронавирус илрээгүй. Мөн Дачин Тамсагт ажилладаг жолооч халуурсан тул сорьц авч шинжилгээ хийхэд коронавирус илрээгүй. Хоолой нь өвдсөний улмаас халуурсан гэдэг нь тогтоогдсон. 

Я.Буянжаргал "Нэгдүгээр сараас хойш улсын хэмжээнд 6184 хүн тусгаарлах байранд байснаас өнөөдөр 1043 иргэн тусгаарлалтад байна. Дөрөвдүгээр сарын 30, тавдугаар сарын 1, 2-ны тусгай үүргийн онгоцоор нийт 821 иргэн ирсэн. Эдгээр иргэдээс эрсдэлтэй гэж үзсэн 45 иргэнийг ХӨСҮТ-д тусгаарлагдсан. Тусгаарлах байранд байгаа иргэдэд улсын хэмжээнд 135 эмч, мэргэжилтэн тусламж үзүүлэн ажиллаж байна. Нийслэлийн нутаг дэвсгэрт  939 хүн гэрийн тусгаарлалтад байгаа ба өрхийн эмч нар хяналт тавьж буй юм.