Өнөөдөр болсон Засгийн газрын ээлжит хуралдаанаар төгсөх анги буюу 12 дугаар ангийн 30 мянган орчим сурагчийг сургууль тус бүрт нь танхимын давтлага өгөхийг Боловсрол, соёл, шинжлэх ухаан, спортын сайд Ё. Баатарбилэгт даалгасан байна. Ингэснээр нэг сургуульд 40-50 хүүхэд байхаар буюу нэг ангид 10-с хэтрэхгүй сурагч давтлага авахаар боллоо гэж Засгийн газрын Хэвлэл мэдээллийн албаны дарга Ц.Ганзориг мэдээллээ.

Мөн өнөөдрийн хуралдаанаар сургалтын төвүүдийг нээх тогтоолыг баталжээ. Улсын хэмжээнд 1088 сугалтын төв ЭМЯ-ны зөвлөмжийг үндэслэж үе шаттайгаар нээгдэх юм. Сургалтанд 16-аас дээш насны иргэдийг хамруулах аж.