ЭМЯ-аас ээлжит мэдээллээ хийлээ. Энэ үеэр өчигдөр хийсэн шинжилгээнүүдээс коронавирус илрээгүй. нийт 57 хүнд шинжилгээ хийсэн. Харин Шивээхүрэн боомтоор ирсэн нэг хүнд сэжиг илэрсэн ба шинжилгээний хариу ХӨСҮТ рүү авчирч байгаа гэж ХӨСҮТ-ийн ерөнхий захирал Д.Нямхүү мэдээллээ. 

Өнөөдрийн байдлаар ХӨСҮТ-д 104 хүн тандалт, судалгаа, шинжилгээнд хамрагдаж байна.

А.Амбасэлмаа "Гуравдугаар сарын 10-наас хойш Монголд 10 удаагийн тусгай нислэгээр нийт 4700 гаруй хүн ирсэн. 11200 хүнд давхардсан тоогоор лабортаторийн шинжилгээ хийсэн. 1-5 удаа давхар шинжилгээ хийж байж, халдвар авсан нь батлагдаж байгаа. Нийт халдвар авсан иргэдийн 60 орчим хувь нь ОХУ-аас ирсэн бол бусад 10 гаруй орноос транзитаар болон шууд нислэгээр орж ирсэн иргэд юм.

Өнгөрсөн хугацаанд ХӨСҮТ-ийн тохиолдлын удирдлагын тогтолцоо идэвхжиж салбар хоорондын 170 гаруй хүн ажиллаж байна. Одоогоор нийт 140 гаруй хүн өвчтөн болон сэжигтэй тохиолдолтойгоо хамт тусгаарлагдаж, багт хуваагдан цаг наргүй ажиллажээ.

Тиймээс иргэд маань эмч, мэргэжилтнүүдийнхээ нөр их хөдөлмөрийг үнэлж, урам өгөөсэй гэж хүсэж байна.

Бид хамтарч байж энэ өвчинтэй тэмцэх болно” гэлээ. 

Өвчилсөн нийт иргэдийн 80.4 хувь нь хөнгөн, 14.6 хувь хүндэвтэр, 5 хувь нь маш хүнд байгаа. Хүйсийн хувьд 19 нь эмэгтэй, 22 нь эрэгтэй. Одоогийн байдлаар 13 хүн эдгэрсэн. Үүнээс 4 нь гадаадын иргэн юм.