Төр нийгмийн нэрт зүтгэлтэн, УИХ, Засгийн газрын гишүүн асан Г.Батхүү агсанд зориулсан суваргыг Аглаг бүтээлийн хийдэд бүтээжээ. Суваргын нээлт өнөөдөр болж Г.Батхүү агсны гэр бүл, төрөл төрөгсөд, найз нөхөд, хамтран зүтгэгчид оролцов. Мөн бурханч лам Д.Пүрэвбат Аглагийн хийдийн байгалийн хойморт ерөөлийн ном хуржээ. 

Энэ талаар А.Ганбаатар өөрийн сошиал дахь нүүр хуудсандаа нийтэжээ. Тэрбээр “Бурханч лам Г.Пүрэвбатын бүтээн байгуулсан Аглаг бүтээлийн хийдээр гороолж, мэлмий баясгах завшаан тохиолоо. Бас л их зүйл хийжээ. Монголын аялал жуулчлал, тэр тусмаа шашны аялал жуулчлалд том бүтээгдхүүн болж. Амжилт хүсье.Хийдийг зорисон гол учир нь нь төр, нийгмийн зүтгэлтэн Г.Батхүүгийн гэр бүл, төрөл төрөгсөд санаачлан анд нөхөд, хамт олон, журмын нөхдийн сэтгэлийн дэмжлэгээр талийгчийн төрсөн өдрийн (1960.05.19) өмнө дурсгалын суварга бүтээж, Аглаг хийдийн байгалийн хойморт ерөөлийн ном хурсан үйл явдал байлаа.
Би энэ агуу, сайхан хүний хүний багт багтаж, улс төрийн сонгуульд ялж, ялагдаж, АЗХ-г босголцож, АПУ-г шинэчилж, төр, засгийн хариуцлагатай алба хашиж, морь дагаж, нохой шуугиулж дарга цэрэг, ах дүүгийн барилдлагатай олон жил явсан. Тэр мужик байсан даа.
Суварга, сэтгэлийн хийгээд урлагийн бүтээл болжээ. Мөнхөд сайхан оршиг ээ. Хуучны сайхан хамт олон, ах дүү, андуудтайгаа уулзахад юутай сайхан.
Бүгд сайхан гялалзаж явна. Арслан Д. Ганхуяг карантин хурдан тавигдаасай, наадам болоосой гэсэн хүн явж байна. Том хүү Б. Ганхөлөг эрийн цээнд хүрч, аавынхаа үйл ажлыг үргэлжлүүлж, өөрийгөө нээж харуулах том зорилготой явааг дуулахад сайхан байна.
Тод манлай уяач Д. Даваахүү ахтай яг 20 жилийн өмнө танилцаж байхад ийм л хүн байлаа. Өнөөдөр ч хэвээрээ байх юм.
Амьдралын хэв маяг ямар байх нь чухал биш жигд, өөрчлөхгүй байх нь чухал юм даа гэж…
Өмнө нь Уинстон Черчилийн урт насалсан талаар бас иймэрхүү бодол төрж байлаа…
Гэснээс гахай жил морь хурдалдаг юм гэж тод манлай айлдсан.
Энэ сонгуульд уясан, дэмжсэн “морьд” тань хурдан байг ээ” хэмээжээ.