УОК-ын шуурхай штаб тусгай үүргийн нислэгтэй холбоотой мэдээлэл хийх үеэр МХЕГ-ын дэд дарга Г.Сугарбат зорчигчдын мэдвэл зохих дараах зүйлсийн талаар анхаарууллаа. 

Тусгай үүргийн онгоцонд МХЕГ-ын харьяа Хилийн хяналтын улсын хоёр байцаагч /эмч мэргэжилтэй/ иргэдэд тусламж үйлчилгээ үзүүлж ажиллана. Арав орчим цагийн нислэг тул хувь хүмүүс бэлтгэлээ сайтар хангахыг хүсэж байна. Үүнд маскаа байнга зүүх, суудлаа солихгүй, шилжилт хөдөлгөөн хийхгүй байх, идэж, уух зүйлээ тохируулах, эмчийн тавьсан шаардлагыг хангах, бага насны хүүхэдтэй хүмүүс хүүхдийнхээ хоол ундны бэлтгэлийг сайтар хангах, эрүүл мэндийн хуудсан дээр суудлынхаа дугаар, явсан орноо заавал бичих зэрэг өөрсдийн зүгээс шаардагдах бэлтгэлээ бүрэн хангах хэрэгтэйг МХЕГ-аас мэдээллээ.