Энэ онд дэлхий даяар автомашины худалдаа борлуулалт 20 хувь унах нь гэж Олон улсын судалгааны Moody’s агентлаг урьдчилан таамаглаж байна. Өмнө нь тус агентлаг энэ үзүүлэлтийг 14 хувь болох байх гэж таамаглаж байсан. “Өмнө нь дэлхий даяар автомашины худалдаа 14 хувь унах нь гэж тооцож байсан одоо 20 хувь буурахаар байна гэж үзлээ” хэмээн агентлаг өөрийн сайтдаа энэ лхагва гарагт мэдээлжээ. Бүс нутгаар авч үзвэл автомашины худалдаа АНУ-д 25, Европ 30 хувь унах гэнэ. Харин Хятадад 10 хувиар л буурах төлөв гарчээ.
Тус агентлагийн үзэж байгаагаар бол ирэх 2021 онд дэлхий дахины автомашины худалдаа 11.5 хувиар нэмэгдэж, G20-ийн орнуудын Дотоодын нийт бүтээгдэхүүний өсөлт 4.8 хувь болно гэсэн байна. Америкийн авто машин үйлдвэрлэлийн том General Motors, Ford, Fiat Chrysler энэ сарын 18-наас халдвар тархалтын улмаас гуравдугаар сараас зогсоогоод байсан Мичиган муж дахь үйлдвэрүүдээ сэргээн ажилд оруулахаа мэдэгдээд байна. Орост гэхэд л суудлын авто машины худалдаа өнгөрсөн оны энэ үетэй жишихэд 64 хувь буюу гурав дахин багасна гэж оросууд өөрсдөө мэдээлж байгаа юм.

ЭХ СУРВАЛЖ: "АРДЧИЛАЛ ТАЙМС" СОНИН