ОХУ-ын Улан-Үд дэх Ерөнхий консулын газраас энэ сарын 26, 27-нд буюу маргааш, нөгөөдөр Хиагт-Алтанбулагаар нэвтрэх нийт иргэдийн анхааралд дараах зөвлөмжийг хүргүүлж байна. 

1. Дээр заасан өдрүүдэд Москва дахь ЭСЯ, бусад дипломат төлөөлөгчийн газарт улсын хил гарахаар бүртгүүлсэн нийт иргэдийг Хиагт-Алтанбулаг боомтоор зохион байгуулалттайгаар нэвтрүүлэх болно.

2. Хил нэвтрэх иргэд өөрсдөө хилийн Хиагт боомт дээр заасан хугацаанд очсон байна.

3. Тусгаарлах байрны төлбөр шилжүүлсэн баримт, шинжилгээний бичгийн хамт биедээ авч очсон байх ёстой.

4. Хил дээрээс Сүхбаатар аймаг хүртэл тээвэрлэхэд автобусны үнэ 1 хүн 10.000 төгрөг төлнө. Мөн Сүхбаатар аймгаас төмөр замаар явах тул төмөр замын төлбөр төлнө гэдгийг анхаарна уу.

Жич: Иргэд та бүхэн замдаа хэрэглэх хүнсээ бэлтгэж зорчино уу. Мөн хилийн ойролцоо бие засах газар байхгүй тул хувийн зохион байгуулалтаа сайтар хангахыг хүсье.

Эх сурвалж: Улан-Үд дэх Ерөнхий консулын газар