Тагнуулын ерөнхий газрын Мөрдөн шалгах газар өнгөрсөн нэг сарын хугацаанд мөрдөн байцаалтын 10 хэргийг шүүхэд шилжүүлэх саналтайгаар тус тус прокурорт шилжүүлсэн байна.

Энэ хугацаанд иргэн, хуулийн этгээдээс ирүүлсэн хуульд заасан харьяаллын гэмт хэргийн шинжтэй 22 гомдол, мэдээллийг хянан үзсэнээс 7 гомдол, мэдээлэлд хэрэг бүртгэлтийн хэрэг нээх, 8 гомдол, мэдээлэлд хэрэг бүртгэлтийн хэрэг нээхээс татгалзах, 4 гомдол мэдээллийг харьяаллын дагуу шилжүүлэх саналтай прокурорт шилжүүлж шийдвэрлэсэн байна.

Хэрэг бүртгэлт, мөрдөн байцаалтын 87 хэрэгт ажиллагаа явуулснаас 8 хэрэг бүртгэлтийн хэрэгт яллагдагчаар татах, 8 хэрэг бүртгэлтийн хэргийг хаах, 23 хэргийг харьяаллын дагуу шилжүүлэн шийдвэрлэжээ.

Эх сурвалж: ТЕГ