ЭМЯ-наас ээлжит /2020.06.02/ шинэ төрлийн коронавируст халдварын талаарх цаг үеийн мэдээлэл өглөө. Энэ үеэр ХӨСҮТ-ийн Тандалт судалгаа, шуурхай албаны дарга Л.Амбасэлмаа шинжилгээний хариунуудыг танилцуулав. Тэрбээр “Өчигдөр нийт 212 сорьцод шинжилгээ хийхэд хардвар илдээгүй. Үүнд тандалтын журмаар цуглуулсан гурав, ХӨСҮТ-д тусгаарлагдсан найм, ажиглах байранд тусгаарлагдсан нэг, Истанбул-Улаанбаатар чиглэлийн онгоцоор ирсэн иргэдийн давтан шинжилгээ хамааргдаж байна. Улсын хэмжээнд коронавирусийн халдварын 185 тохиолдол зөөвөрлөгдөн орж ирсэн. Эдгээрээс 145 хүн хэвтэн эмчлүүлж байгаа. 44 хүн эдгэрсэн, 16 хүн сувилалд, гэрийн ажиглалтад 15, ажиглалтаас гарсан 14 хүн байна. Өнөөдрөөс эхлэн гурав хоногийн хугацаатай салбар хоорондын баг Сэлэнгэ аймгийн Алтанбулаг боомтод ажиллаж, сургалт, зөвлөгөөн зохион байгуулж байна. Хил гаальд ажиллаж байгаа хүмүүсийн халдвар авах эрсдэлийг бууруулах зорилгоор мананцар үүсгэх аппаратыг суурилуулж, ашиглах заавар зөвлөмж өгч байна.

Бид ДЭМБ-аас зөвлөснөөр тусгай үүргийн онгоцоор  ирсэн хүмүүсээ долоо, 14, 211 хоногт нь шинжилж буй. Энэ журмаар дээрх Истанбулын онгоцоор ирсэн хүмүүсийн 21 дэх өдрийн шинжилгээг авлаа. Эд бүгдээс коронавирус илрээгүй” гэлээ.