2020 оны УИХ-ын ээлжит сонгуулийн 29 дүгээр тойрог Хан-Уул дүүрэгт “Зөв Хүн Электорат” эвслээс нэр дэвшигч Тогмидын Доржхандын сурталчилгааны нээлт олны анхаарлыг татаад байна. Учир нь тэрбээр сонгуулийн сурталчилгааны хэвлэмэл тараах материалаа харааны бэрхшээлтэй иргэдэд зориулан брайль үсгээр хэвлүүлсэн нь бүх сонгогчдынхоо мэдээлэл авах эрх тэгш байдлыг хангасан хүний эрхийн мэдрэмжтэй явдал байсныг сонгогчид хэлж байсан юм.
Манай улсад хөгжлийн бэрхшээлтэй 105 мянга орчим иргэн бий, тэд нийт сонгогчдын 10 хувийг эзэлдэг байна. Хөгжлийн бэрхшээлтэй иргэд үе үеийн сонгуульд бүрэн дүүрэн оролцож чаддаггүй. Учир нь тэднийг сонголтоо хийхэд нь туслах үнэн зөв мэдээллийг хангалттай авч чаддаггүй учраас оролцоо нь хангалтгүй байж ч болох юм. Тиймээс Хан-Уул дүүрэг 29 дүгээр тойрогт “Зөв Хүн Электорат” эвслээс нэр дэвшигч Тогмидын Доржханд нийт нэр дэвшигчиддээ хандан сонгуулийн сурталчилгаа, нэр дэвшигчийн танилцуулга, санал өгөх зааврыг дохионы хэлээр хүргэх, харааны бэрхшээлтэй иргэдэд зориулж брайль үсгээр хэвлүүлсэн материал тараах, саналын хуудас хэвлүүлэхийг уриалж, энэ нийгмийн эд эс болсон хэнийг ч орхигдуулахгүй байхыг хүслээ. Мөн хөгжлийн бэрхшээлтэй иргэдэд зориулсан дэд бүтцэнд анхаарч хүн бүрийг ижил тэгш боломжоор хангах ёстойг санууллаа. Монгол Улсын иргэн бүр сонгох, сонгогдох эрхээ эдлэх эрхтэй гэж хуульд заасан ч өнгөрсөн 30 жилд хөгжлийн бэрхшээлтэй иргэд, тэдний оролцоогүйгээр сонгууль явж ирснийг нийгэмд сануулсан Тогмидын Доржхандад сонгогчид нь талархал илэрхийлж байв.