УОК-ын Шуурхай штабаас өнөөдөр мэдээлэл хийлээ.

Энэ үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, хурандаа Ж.Амгалан "Улсын хэмжээнд 45 байршлын тусгаарлах байранд 1,601 иргэн ажиглалтад байна. Цагдаагийн байгууллагаас эдгээр иргэний аюулгүй байдал, хэв журмыг сахиулж байна. Тусгаарлах байранд байгаа хүмүүст эргэлт оруулах журмыг УОК-ын Шуурхай штабаас журам тогтоон, нэвтрүүлж байгаа. УОК-ын шуурхай штабаас тусгаарлах байранд байгаа хүмүүсийг гэрээсээ эргэлт авах журам гаргасан. Иргэд эргэлт авахдаа талх ухаж, дотор нь тамхи хийн оруулсан тохиолдол илэрсэн. Мөн усны саванд архи хийж оруулсан байна. Үүнийг хяналтынхан мэдэлгүй оруулсан. Тиймээс тусгаарлах байруудад байгаа иргэд онцгой үеийн бэлэн байдал болон журмыг сахих хэрэгтэй. Халдвар аваад эдгэсэн 60 хүн тутмын нэг нь халдвар тараах боломжтой гэдгийг анхааруулж байна” гэлээ.