Хөл хориог зургаадугаар сарын 30-ныг хүртэл сунгасан билээ. Тэгвэл өнөөдрөөс эхлэн номын сан, музейн үйл ажиллагааг нээлээ. Үүнд 12 номын сан, 11 музей хамаарч байгаа юм. Мөн бусад үйлчилгээний байгууллагуудыг нээх бэлтгэл ажлыг хангаж байгаа аж.

Энэ талаар ЗДТГ-ын Хууль эрхзүйн хэлтсийн дарга А.Даваажаргал хэлэхдээ "Сонгуулийн өдрүүдэд зайлшгүй ажиллах шаардлагатай байгууллагуудын үйл ажиллагааг зогсоохгүй.

Харин Архи, согтууруулах ундаа худалдаалах түүгээр үйлчлэхийг 2020 оны зургаадугаар сарын 23-наас зогсоож байна гэж ойлгож болно. Сонгуулийн хуулинд санал авах өдөр архи, согтууруулах ундаагаар үйлчлэхийг хориглодог. Мөн санал авах өдрийн өмнөх болон дараах өдөр архи, согтууруулах ундаагаар үйлчлэхийг хориглож байгаа гэж ойлгож болно. 

Мөн өнөөдрөөс эхлэн бүх төрлийн музей, номын сангийн үйл ажиллагааг нээх захирамж гарлаа" гэж хэллээ.