Оросуудыг хэзээнээсээ л архичин л гэдэг. Янз янз. Оросуудын архидах явдалтай тэмцэх анхны алхмыг аугаа их Петр I XYIII зууны эхээр тавьсан байна. Эхлээд тэрээр ард иргэдээ хэв журмыг сахиж, ухаанаа алдтал уухгүй байхыг үүрэг болгож, уриалж үзжээ. Бас архидалт, үйлдвэрлэгчид, худалдаачдад хяналт тавьж эхэлж. Гэвч “ухаантай, шударгаар уух” гэдэг уриа хүн амьд нэг их хүрч үйлчилсэнгүй. Хаан дараагийн алхамдаа орж архичдыг цагдаа нар барьж албадан хөдөлмөр хийлгэж үзлээ. Бас л нэмэр болсонгүй, дараа нь архичдыг шонд хүлж үзлээ, тавиад явуулмагц л уугаад байлаа.

Ингээд 1714 онд Петр I архичидтай тэмцэх ер бусын арга олж архичдад зориулсан медаль гаргахаар шийдвэрлэжээ. Зарлигт зааснаар бол уг шагнал “Архичны медаль”-ийг буруутай этгээд долоо хоног зүүх ёстой, ажилдаа явсан ч, унтсан ч ер нь өдөр шөнийн 24 цаг уг шагналтайгаа байх ёстой байжээ.

Хамгийн гол нь ерийн металлаар хийсэн од хэлбэрийн ер бусын хэлбэртэй, “архидсаны төлөө” гэсэн ганцхан үгтэй энэ медаль долоон кг жинтэй, гинж, хүзүүвчтэйгээ бол найман кг илүү. Гардуулахдаа ч бас өөрийн гэсэн ёслолтой. Олны цуглуулж, тэр хүмүүсийг доог тохуу инээдийн дор цагдаа нар архичинд медалийг нь “ёс төртэй” зүүж өгөн түгжинэ. Ер нь медалийг хүн өөрөө авч чадахааргүй. Ямар ч архичин энэ шагналыг хоёр дахиа авч байгаагүйгээр архидалтын эсрэг үр дүнгээ өгсөн гэдэг.